نکلیں حصارِ خوباں سے ہم تو مر ہی جائیں

خوابوں کی ہم نے پالیں ہیں کہکشائیں کتنی

سوچوں کے شہر میں دیکھی ہیں فضائیں کتنی

وہ اک عمل بظاہر لیکن غلط نہیں تھا

پاداش میں اُسی کی پائیں سزائیں کتنی

ایندھن کے ختم ہونے سے ہی دیا بجھا تھا

پر اس کی تھیں عدو ناجانے ہوائیں کتنی

نکلیں حصارِ خوباں سے ہم تو مر ہی جائیں

یہ کر گئیں شرارت ہم سے وفائیں کتنی

کوئی ہو ابنِ سینا دیکھے جو نبض میری

کچھ تو پتہ چلے تہ میں ہیں ادائیں کتنی

اعجاز کب تلک رہنا ہے مجھے سرا میں

منزل کہاں ہے قسمت میں ہیں بلائیں کتنی